好多後生仔啱啱出嚟做嘢，真係唔會知道乜係MPF同勞工保。成日淨係聽電視劇集話「claim工傷」，究竟勞工保包乜嘅呢？

法定要求嘅勞工保其實原理好簡單，就係所有喺工作期間發生導致係冇咗忽肉嘅意外都包嘅：

1. 致命個案補償

Touch wood！但唔係講笑㗎，如果工作期間有意外導致員工死亡，勞工保係會包埋殯殮費同醫護費。

2. 永久地完全喪失工作能力
   又嚟？Ler口水講過！所謂買保險就係以防萬一，如果有日你或者身邊嘅人唔好彩遇上上述情況，一定要提佢claim勞保。
3. 醫療費
   終於講到大家多啲機會用到嘅補償。以下係法律上僱主須支付嘅醫療費嘅最高金額：
   對僱員每天身為醫院住院病人進行醫治的費用：港幣300元

對僱員每天身為非醫院住院病人進行醫治的費用：港幣300元

對僱員在同一天身為醫院住院病人及非醫院住院病人進行醫治的費用：港幣370元
所以，工傷要住院千祈唔好住私家，除非係自己有買醫療保險啦！

Claim勞工保亦都係既定程序：

1. 去公立醫院或者註冊西醫睇醫生，keep好所有收據、醫生紙同病假紙
2. 14日內向僱主上報（死亡的話7日內上報）
3. 僱主要幫你填好合適嘅表格，連同醫生紙、假紙、收據正本交俾勞工處（所以最好交出任何正本文件嗰陣自己影返個copy留底）
4. 如果需要複診，都係keep好文件交正本俾公司，由公司交俾保險公司
5. 好返之後，帶埋病假紙副本去勞工處完成銷假或判傷手續
6. 僱主收到勞工處嘅證明書，交返俾保險公司辦理賠償

聽落雖然煩啲，但係始終係自己嘅權益，要知清楚。你可能諗，你一個寫字樓員工仔，平日返工做嘅嘢都鬼咁安全，關你乜事？都係嗰句啦，意外就係意料之外，知多啲，人都定啲。如果你喺細公司做，難保有日你都要幫手搞勞保，哈哈！總之，祝大家身體健康，工作順利！

如果你係僱主，又想知道更多有關勞保嘅資訊，上Bowtie網頁睇多啲啦！

咩話？你仲未去面試？學下點樣自我介紹啦！