今時今日嘅香港，資訊科技人才非常吃香。銀行要請、金融業要請、網購業要請，幾乎所有行業每間公司都用得着一個「軟件工程師」。咁⋯⋯點先入到行呢？

學術資歷

一般公司都要求軟件工程師有電腦工程、資訊科技相關嘅學位，某啲職位更加需要碩士，甚至博士學位。但係讀咁多書係抵嘅，因為軟件工程師起薪點係萬四到萬六港幣，而年薪中位數係有成三十幾萬㗎！但係如果你冇讀到相關學位都唔需要太過擔心，而家網上有好多大機構都提供唔同嘅課程，包括唔同程式語言嘅運用或者同其他同學仔交流、合作解難嘅互動課程，有好多都有證書添。你可以用工餘時間做啲小project，應用你學到嘅知識，話唔定日後就係因為你啲小project組成嘅portfolio得到老闆欣賞而令你得到一份工！

有咩公司揀㗎？

大部分情況下，軟件喺一間公司之中只係佢哋提供嘅服務同客人之間嘅橋樑，又或者係用嚟建立公司內部運作嘅主要結構。例如Lalamove、Deliveroo等，客人最終接收到嘅係運輸同餐飲服務，軟件工程師建立嘅網站同應用程式只係客人公司俾客人落單嘅橋樑，但無可否認嘅係，呢個方便客人使用嘅橋樑係佢哋最大嘅賣點。諗深一層，其實運輸同飲食都係好傳統嘅服務，而呢兩間公司嘅生存之道就係用軟件革新咗呢兩個行業。

另外，唔少銀行同金融、保險、投資行業都依賴軟件工程師建立嘅系統嚟儲存同保護客人嘅資料。試諗下，一間呢類型嘅公司每日處理成千上萬單交易，如果佢哋用嘅系統保安同設計唔夠完善，會惹來好大麻煩。所以好嘅軟件工程師要合作花好多好多工夫先能夠令你令你令你令你真係很安全。

除咗以上講嘅非常正經嘅公司，電腦遊戲公司都需要好多軟件工程師去設計、製作同測試遊戲，但係香港就冇乜公司喺呢方面發展。

如果你發現自己醉心於編寫程式，可以加入網絡發展、專門幫其他公司編寫程式嘅公司，或者提供資訊科技方案嘅工司，就可以喺每一個project遇上唔同嘅奇難雜症，咁你嘅工作就更加刺激好玩喇！

香港軟件工程師前景

香港一直以國際金融中心自豪，然而香港嘅金融科技被新加坡、瑞士、倫敦等城市大幅拋離，所以金融科技必定係香港未來幾年發展的方向。除咗以上講過嘅出路外，數據分析師喺未來十年亦一定非常吃香。而家所有投資、宣傳、買賣都利用大數據分析，數據分析人才必定好搶手。所以，軟件工程師同整個IT行業真係新一代嘅鐵飯碗嚟㗎！各自有興趣投身嘅朋友，放擔去馬啦！